Burgoset i dyshuari që vrau kunatën me sëpatë në Elbasan

58-vjeçari Tefik Tashi, i cili ditë më parë vrau me sëpatë kunatën e tij është është lënë në burg nga Gjykata e Elbasanit.

Pas shoqërimit në polici, ai ka rrëfyer se e kreu krimin i vetëdijshëm, pasi kunata e tij Alma Qevani e kishte ofenduar, shkruan abcnews.

Autori i dyshuar ka rrëfyer se kunata e tij nuk i kishte shtruar drekën dhe se krimin e ka kryer me vetëdije të plotë.

Edhe në seancën e sotme autori i dyshuar nuk ka shprehur asnjë pendesë për krimin e kryer.

“Nuk ka shprehur asnjë shenjë pendese. Ka pranuar se e ka bërë vrasjen në mënyrë të përgjegjshme”, raportoi gazetarja Skënderi.

Ngjarja e rëndë u shënua në fshatin Kusarth të Elbasanit. Alma Qevani u godit me sëpatë nga kunati i saj, Tefik Tashi 58 vjeç