Burri i motrës e shkarkoi nga puna, 36-vjeçari shqiptar i futet në kompani dhe ia shkatërron kamionët! 15 mijë euro dëmi dhe… përfundon pas hekurave

Një ngjarje e pazakontë ka ndodhur në Treviso të Italisë, ku një 36-vjeçar shqiptar ka shkatërruar kamionët e kompanisë së kunatit të tij, nga inati pasi ky i fundit e pushoi nga puna.

“Corriere” shkruan se shqiptari u fut në kompani teksa kunati i tij ndodhej me pushime dhe me një çekiç i shkatërroi makinat e punës, duke shkaktuar një dëm prej 15 mijë eurosh.

Kur mendoi se “misioni” e tij kishte mbaruar, ai u përpoq të ikte nga rruga që kishte ardhur. Megjithatë, një kalimtar e pa duke hyrë në kompani dhe telefonoi policinë.

Teksa shqiptari tentoi të largohej, ai u vu në pranga nga policia.

I kontaktuar nga policia, pronari i kompanisë tha se kunati i tij (vëllai i gruas) ishte “xhindosur”, pasi e kishte shkarkuar nga puna pak kohë më parë.