14:58 / E Enjte, 13 Qershor 2019

Bytyqi: Së shpejti studime pa pagesë të studentëve nga Kosova në Çeki

Ministri i Arsimit, Shkencës dhe Teknologjisë (MASHT), Shyqiri Bytyqi ka pritur sot në takim drejtuesin kryesor të CERGE-EI në Pragë të Çekisë, Randall K. Filer, me të cilin ka biseduar lidhur me arsimin e lartë në Kosovë.

Bytyqi ka shkruar në një postim në Facebook se së shpejti studentët kosovarë do të kryejnë studime pa pagesë në Republikën e Çekisë, transmeton Indeksonline.

Më poshtë postimi i Bytyqit:

Së shpejti studime pa pagesë në Republikën e Çekisë

Kam pritur në takim drejtuesin kryesor të CERGE-EI në Pragë të Çekisë, profesorin e nderuar Randall K. Filer, me të cilin bisedova lidhur me arsimin e lartë në Kosovë.

Qendra për kërkime ekonomike dhe pasuniversitare- Instituti i Ekonomisë, i njohur si CERGE-EI është institucion akademik në Pragë, i specializuar vetëm për fushën e ekonomisë.

Lajmi më i mirë është se shumë shpejtë do të nënshkruhet një Marrëveshje Bashkëpunimi, përmes të cilës do të ju mundësonim studentëve nga Kosova studime pa pagesë Master dhe PhD, në fushën e ekonomisë në Republikën e Çekisë. /Indeksonline/