Cahill merr vendimin e papritur në futboll

Ish- mbrojtësi i Chelseat , Gary Cahill, ka njoftuar tërheqjen e tij nga futbolli në moshën 36-vjeçare.

Ish-reprezentuesi anglez, i cili ka luajtur edhe për Aston Villa , Bolton, Crystal Palace dhe Bournemouth e ka konfirmuar lajmin përmes një postimi në rrjetet sociale.

Cahill kishte arritur të fitoj Champions Leaguen dhe Premierligën me Chelsean.

“Futbolli është një lojë që më ka dhënë kaq shumë kënaqësi dhe sukses dhe ndërsa sot marr vendimin për të varur këpucët, mund të them sinqerisht se i dhashë gjithçka që kisha.

Kam arritur gjëra që kam ëndërruar dikur, duke krijuar disa kujtime të pabesueshme. Nga nivelet e mahnitshme si fitimi i Ligës së Kampionëve dhe Premier League, deri te privilegji për të qenë kapiten i vendit tim dhe Chelsea në një ekip fitues të FA Cup do të mbeten me mua përgjithmonë.
Kam bërë gjithashtu disa miqësi fantastike me njerëz në mbarë botën e futbollit, nga shokët e skuadrës, menaxherët, dua të them vetëm një falenderim masiv.

Marrja e vendimit për të ndaluar lojën aktive nuk është e lehtë. Kam kaluar 20 vite duke u stërvitur çdo ditë, duke u munduar që të jem në formën më të mirë të mundshme për ditën e ndeshjes për të ndihmuar skuadrat për të cilat kam luajtur të jenë të suksesshme.

Kam pasur kohë për të shqyrtuar opsionet e mia dhe pas shumë diskutimesh dhe reflektimi ndjej se tani është koha për të kaluar në fazën tjetër të karrierës sime.

Një falënderim i veçantë duhet të shkojë për familjen time të mrekullueshme që më ka mbështetur dhe ka qenë aty në çdo hap të rrugës. Tani kam mundësinë të kaloj pak kohë me ta, gjë që mezi po e pres.

Përtej kësaj, futbolli do të jetë gjithmonë pjesë e asaj që unë jam dhe asaj që dua, kështu që ky është vetëm fundi i këtij kapitulli. Për mua është e rëndësishme të shikoj përpara dhe jo prapa, pasi fillon një kapitull i ri në jetën time” shkruan Cahill në letrën lamtumirëse./Indeksonline/