Caktohet ora e seancës për nesër dhe pikat e rendit të ditës

Deputetët e Kuvendit të Kosovës, nesër (e mërkurë), në ora 11:00 pritet të mblidhen për seancën konstituive.

Ashtu edhe siç ka raportuar më herët IndeksOnline, në rendin e ditës është zgjedhja e kryetarit të Kuvendit, si dhe e nënkryetarëve.

Sipas aktgjykimit të Gjykatës Kushtetuese, një kandidat mund të propozohet deri në tri herë për pozitën e kryetarit të kuvendit. Gjykata ka theksuar se kuvendi duhet të konstituohet brenda një afati prej 30-ditësh.

Partia fituese, Vetëvendosje, e ka kritikuar vendimin e Kushtetueses, duke e cilësuar atë si arbitrar.

Ndërkaq, ish-partitë opozitare e kanë mirëpritur vendimin e këtij institucioni juridik./IndeksOnline/