Callum Hudson-Odoi pranon kontratën e re me Chelsean

Callum Hudson-Odoi ka rënë dakord për një marrëveshje pesëvjeçare me vlerë më shumë se 110 mijë euro në javë për të qëndruar në Chelsea.

Anësori i Anglisë, 18 vjeç, dha një kërkesë transferimi në janar pasi Chelsea hodhi poshtë një ofertë prej 39 milionë funte nga Bayern Munich, shkruan BBC, transmeton Indeksonline.

Por ai është i vendosur të nënshkruajë një kontratë të re para fillimit të sezonit.

Anglezi kuptohet se është inkurajuar nga fjalët pozitive të menaxherit të ri Frank Lampard, i cili tha se donte që Hudson-Odoi të qëndronte.

Adoleshenti, i cili po shërohet nga një lëndim në thembër që pësoi në prill, është në rrugën e duhur për një kthim të shpejtë në fushat e blerta, potencialisht që nga shtatori.

Gjatë bisedimeve, koha e lojës është kuptuar të jetë çështja kryesore për Hudson-Odoi, i cili bëri 24 paraqitje dhe shënoi pesë gola nën ish-bosin e Chelsea, Maurizio Sarri sezonin e kaluar.

Por ai duhej të priste deri në prill për ta realizuar paraqitjen e tij të parë, duke bërë tashmë debutimin e tij në Angli.

Ish-mesfushori i Chelseat Lampard, i cili mori përgjegjësinë për Blues më parë në korrik, tha se diplomati i akademisë mund të jetë një “lojtar i madh” për ekipin e tij.

Mesfushorët Mason Mount dhe Ruben Loftus-Cheek kanë nënshkruar marrëveshje të reja që kur Lampard mori përsipër nga Sarri./Indeksonline/