Camarda ia thotë këngës te Milani, Rafa Leao: Mirë që di të luash futboll, sepse…!

Francesco Camarda këtë vit do të jetë pjesë e skuadrës së parë të Milanit, pasi kuqezinjtë e shohin adoleshentin si një futbollist me shumë perspektivë. Dhe ashtu si çdo lojtar i ri i Milanit, adoleshenti është dashur t’i nënshtrohet ritit të fillestarëve.

Ai është dashur të këndojë para ekipit një këngë dhe e ka bërë këtë mbrëmë gjatë darkës, por duke mos lënë edhe aq shumë mbresa me zërin e tij.

Një performancë të cilën Rafael Leao e ka publikuar në rrjetet sociale duke u tallur me Kamardan. “Mirë që di të luash futboll se si këngëtar je shumë keq”, shkruante portugezi i cili përtej futbollit është edhe këngëtar i muzikës hip hop.

😂Leao boccia la prestazione di #Camarda al microfono pic.twitter.com/SZIXisEhWo

— calciomercato.it (@calciomercatoit) August 4, 2024