Cannavaro merr drejtimin e skuadrës nga Serie B

Fituesi i Kupës së Botës, Fabio Cannavaro, ka marrë detyrën e tij të parë si trajner në Evropë me skuadrën e Serie B, Benevento.

Cannavaro, i cili ishte kapiten i skuadrës fitimtare të Italisë në vitin 2006, u pensionua nga futbolli në vitin 2011 dhe shkoi si trajner në Azi.

Ai drejtoi klube në Kinë dhe Arabinë Saudite dhe kaloi gjashtë javë si trajner i kombëtares kineze në vitin 2019.

49-vjeçari rikthehet në futbollin italian për herë të parë që nga largimi nga Juventusit në vitin 2010.

Roli i fundit menaxherial i Cannavaros ishte si trajner i Guangzhou FC. Ai u largua nga dy herë kampionët e Azisë në tetor 2021.

Benevento, i cili ra nga Serie A në sezonin 2020-21, është i 13-ti në kategorinë e dytë italiane, me shtatë pikë nga gjashtë ndeshjet e para.

Cannavaro ishte një nga qendërmbrojtësit më të mirë të gjeneratës së tij, duke fituar Topin e Artë në 2006 dhe duke luajtur për ekipe si Parma, Juventus, Inter Milan dhe Real Madrid.