Cardiff City paguan pjesën e mbetur të tarifës së transferimit të Salas

Cardiff City i ka paguar Nantes pjesën e mbetur të tarifës së transferimit të Emiliano Sala.

Klubi uellsian ka paguar dy këste të tjera me vlerë prej 11 milionë eurosh, pasi u urdhërua të kryente pagesat nga FIFA.

Klubi nga Championship bëri pagesën e parë te Nantes në janar të këtij viti.

Pavarësisht se ka paguar dy këstet e mbetura për klubin e Ligue 1, Cardiff City planifikon të vazhdojë me veprime ligjore kundër Nantes.

Klubi i kryeqytetit të Uellsit ka kërkuar dëmshpërblim prej 110 milionë eurosh për vdekjen e sulmuesit argjentinas.

Njoftimi i plotë nga Cardiff City:

“Cardiff City pagoi sot këstin e dytë dhe të tretë të tarifës së transferimit për Emiliano Sala, siç është urdhëruar së fundmi nga FIFA.

Kjo pavarësisht se ende nuk ka një vendim gjyqësor për përgjegjësinë e FC Nantes për aksidentin. Ne vazhdojmë të punojmë që përgjegjësit të mbahen përgjegjës.

Mezi presim gjykimin para Gjykatës franceze vitin e ardhshëm”.

Club Statement | 18/07/2023

— Cardiff City FC (@CardiffCityFC) July 18, 2023