Çfarë do të thotë neutraliteti për Ukrainën?

Presidenti i Ukrainës, Volodymyr Zelensky, deklaroi dje se Ukraina ishte e gatshme të bisedonte për një pozitë neutraliteti, nëse luftimet ndalojnë.

“Garancat e sigurisë dhe neutraliteti, një status jo-bërthamor i shtetit tonë. Ne jemi të gatshëm të shkojmë për të”, tha ai.

Në shikim të parë, një gjë e tillë duket si një përparim për shtetin ukrainas.

Me neutralitet, Ukraina do të hiqte dorë nga ambicia e saj për t’u bashkuar me aleancën e sigurisë në NATO, një nga arsyet që Rusia përmendi për nisjen e pushtimit në radhë të parë, shkruan BBC.

Por, ekzistojnë edhe një numër paralajmërimesh të rëndësishme.

Presidenti Zelensky e bëri të qartë në intervistë me gazetarët rusë se, që një marrëveshje të funksionojë, vendet perëndimore duhet të angazhohen për një “marrëveshje serioze” për të mbështetur Ukrainën.

Së dyti, Presidenti Zelensky thotë se Rusia do të duhet të tërhiqet nga pozicionet e saj para se të fillonte pushtimin. 

Së treti, nëse Ukraina do të miratonte neutralitetin, Presidenti Zelensky thotë se do të duhej të kishte një referendum dhe ndryshime kushtetuese, të cilat mund të zgjasin deri në një vit.

Dhe së fundi dhe më e rëndësishmja nga të gjitha, është pyetja pa përgjigje, se çfarë dëshiron në të vërtetë Rusia nga kjo luftë.