Çfarë kishte në menunë e tij të ditëlindjes? Diddy feston 56 vjetorin në burg
Reperi dhe producenti i famshëm amerikan, Sean Diddy Combs, festoi një ditë më parë ditëlindjen e tij të 56, brenda Institucionit Federal Korrektues Fort Dix në Nju Xhersi. Ai po vuan një dënim me 50 muaj burg për dy akuza për transportim me qëllim prostitucioni.
Sipas burimeve të “PEOPLE”, Diddy kaloi ditën me një menu tipike burgu që përfshinte mëngjes me fruta, drithëra dhe bukë integrale, ndërsa për drekë iu ofrua pulë me parmixhano ose hamburger me qiqra, shoqëruar me makarona dhe spinaq. Në darkë, ai kishte zgjedhjen midis picës me djathë dhe fasuleve blu, të shoqëruara me sallata dhe një pije.
kujtojmë se Combs u transferua në Fort Dix më 30 tetor, pasi avokatët e tij kërkuan zhvendosjen nga Qendra Metropolitane e Paraburgimit në Brooklyn për shkak të kushteve të vështira dhe mungesës së programeve rehabilituese.
Sipas të dhënave të Federal Bureau of Prisons, data e parashikuar për lirimin e Sean “Diddy” Combs është 8 maji 2028. Ndërkohë, avokatja e tij, Alexandra Shapiro, ka paraqitur apelimin e dënimit, i cili është pranuar nga gjykata dhe pritet të dëgjohet në prill 2026.
