Championsi mund të sjelli ndryshime thelbësore, te Juventusi mendojnë Igli Taren
Juventusi u kurorëzua kampion për të 9-in vit radhazi në
Serie A, por pavarësisht kësaj rruga për të mbërritur te trofeu nuk ka qenë
bindëse. Sarri dhe skuadra bardhezi kanë qenë në qendër të kritikave këtë
sezon, duke mos kënaqur opinionin sportive dhe tifozët me paraqitjet në fushën
e lojës. Përpara i pret sfida më e rëndësishme e sezonit, teksa do të përballen
me Lionin për të synuar Cnampions League-n.
E në rast dështimi, Anjeli po mendon ndryshime në stol dhe në drejtues të
klubit. Gazetari Italian, Fabio Santini ka zbuluar për “7 Gold” se një ecuri
negative në Champions do të sillte lamtumirën me Sarrin, ndërsa në vendin e tij
shihet sërish Alegri. Por nuk është vetëm kaq. Edhe Pratiçi do të mbyllte
detyrën e tij dhe pasardhësi gjendet në Romë. Pikërisht një shqiptar do të
merrte rolin e drejtorit sportive dhe ai është Igli Tare. Vlonjati ka bërë një
punë të shkëlqyer te Lazio dhe kjo mjafton për të bindur një klub të madh si
Juventusi.