Chelsea nuk fiton as ndaj Salzburgut

Pas humbjes nga Dinamo Zagreb, skuadra e Chelseas nuk ka arritur të fitoj as ndeshjen e dytë në Champions League.

Londinezët barazuan me Salzburgun në shtëpi ku rezultati përfundimtar i ndeshjes ishte 1-1, shkruan IndeksOnline.

Chelsea ishte skuadra e parë që shënoi gol me anë të Raheem Sterling me një gol të bukur në minutën e 48-të.

Salzburgu nuk u dorëzua dhe barazoi rezultatin në minutën e 75-të me anë të sulmuesit Noah Okafor.

Në Grupin E pas dy ndeshjeve të luajtura tabelen e kryeson skuadra e Milanit me 4 pikë e ndjekur nga Dinamo Zagreb me 3 pikë.

Salzburg zë vendin e tretë me 2 pikë ndërsa Chelsea e fundit me 1 pikë.

Në javën e ardhshme do të luhet ndeshja derbi mes Chelseas dhe Milanit në Stamford Bridge ndërsa Salzburg do të jetë nikoqire e Dinamo Zagrebit./IndeksOnline/