Çifti i famshëm nuk i ndan duart nga njëri-tjetri që pas ribashkimit

Shawn Mendes dhe Camila Cabello nuk mund t’i mbanin duart larg njëri-tjetrit në New Jersey në  koncertin e Taylor Swift.

Camila, 26 vjeçe, dhe Shawn, 24 vjeç, shikonin koncertin me krahët e tyre të mbështjellë rreth njëri-tjetrit.

Çifti e nisën lidhjen e tyre në verën e vitit 2019 dhe qëndruan së bashku gjatë izolimit të COVID-19, për t’u ndarë afër fundit të vitit 2021.Megjithatë, nga mesi i muajit të kaluar, thashethemet po qarkullonin se ata ishin ribashkuar – dhe konfirmimi erdhi kur u panë duke u puthur në festivalin “Coachella”.