Çitaku: Fitorja e djelmoshave tanë, nuk e kompenzon dështimin tim dhe të kolegëve të mi

Ambasadorja e Kosovës në Shtetet e Bashkuara të Amerikës, Vlora Çitaku përmes një statusi në llogarinë e saj Facebook është shprehur se ndjehet e lumtur dhe krenare me lojën fantastike që po bëjnë sonte djelmoshat e Kosovës në futboll.

Çitaku nuk ka lënë pa përmendur as dështimin e Kosovës në Interpol, teksa ka thënë se disfatën e mëngjesit, djemtë e Kosovës e bën me lot gëzimi, përcjellë Indeksonline.

Ky është postimi i plotë i Çitakut:

Ndoshta më mirë sonte ne që jemi në diplomaci mos me folë hiç. Në fakt, u mata shumë mos me shkru. Po su durova.
Qe po e them : Faleminderit o djem. Një popull të ngrysun nga disfata e mëngjesit e bëtë me lot gëzimi.
Sigurisht, kjo fitore nuk e kompenzon dështimin tim dhe të kolegëve të mi. Po një leksion të mirë na e dhatë, na mësuat si bëhet ekipi. Si luftohet për fitore. Na mësuat se kthimi është i mundshëm edhe pas humbjes.
Faleminderit, përulësisht. Fadilin e keni ba krenarë sot.