Çmimi i argjendit arrin shifrën historike, u dyfishua brenda vitit

Çmimi i argjendin vazhdon trendin në rritje. Për herë të parë në historinë e tij, metali i bardhë kaloi 61 dollarë, duke arritur një nivel rekord.

Çmimet e argjendit arritën një rekord të ri për shkak të pritjeve të investitorëve se Rezerva Federale do të ndjekë lehtësi monetare në periudhën e ardhshme dhe shtrëngimit të ofertës globale.

Çmimi i argjendit është më shumë se dyfishuar që nga janari. Duke filluar vitin me 28.9 dollarë, çmimi i një ons-e argjendi ka tejkaluar 61 dollarë, shkruan Indeksonline.

Kërkesa e fortë për argjend nga sektorë të tillë si elektronika, gjysmëpërçuesit dhe energjia e rinovueshme mbështeti rritjen, ndërsa pritjet se Rezerva Federale e SHBA-së do të ulë normat e interesit në takimin e sotëm gjithashtu nxitën metalet e çmuara.

Një dinamikë tjetër që mbështet rritjen e çmimeve të argjendit është dobësimi i prodhimit global.

Të dhënat nga Instituti i Argjendit tregojnë se një deficit furnizimi prej mbi 250 milionë ons është formuar në treg në vitin 2024 për shkak të rënies së prodhimit minerar dhe vëllimeve të kufizuara të riciklimit.

Ky është ndër deficitet më të mëdha të regjistruara nga instituti./Indeksonline/