Coca-Cola HBC Kosova sjell magjinë e festave: Superheronjtë surprizojnë fëmijët në spitalin e Prishtinës
Këtë sezon festash, Coca-Cola HBC Kosova në bashkëpunim me Klubin Alpin Prishtina sollën një moment të veçantë magjie në spitalin e fëmijëve në QKUK në Prishtinë. Në një gjest emocional e plot ngrohtësi, alpinistët e veshur si superheronj zbritën nga muret e spitalit pediatrik, duke sjellë dhurata, buzëqeshje dhe një mesazh të fuqishëm shprese për fëmijët që po i kalojnë festat larg shtëpisë.
Ajo që zakonisht është një periudhë e vështirë për fëmijët e shtruar në spital, u shndërrua në një përvojë të lumtur, të mbushur me entuziazëm dhe momente të paharruara për secilin prej tyre.
Karakteret e dashura — nga Spiderman te Superman — u shfaqën jashtë dritareve të dhomave, duke e kthyer një ditë të zakonshme në një moment magjik dhe duke u kujtuar të vegjëlve se heronjtë ndonjëherë vijnë edhe në forma krejt të vërteta.
Kristian Gashi nga Klubi Alpin Prishtina, një nga organizatorët kryesor, e përshkroi momentin me shumë emocion:
“Të shihje fytyrat e fëmijëve duke u ndriçuar kur panë superheronjtë e tyre të preferuar është diçka që nuk do ta harrojmë kurrë. Kjo iniciativë nuk ka të bëjë vetëm me kostumet — ka të bëjë me forcën, mbështetjen dhe gëzimin që duam t’u sjellim fëmijëve që meritojnë ta ndiejnë frymën e festave, pavarësisht sfidave.”
Për Coca-Cola HBC Kosova, mbështetja e kësaj nisme përputhet me misionin e kompanisë për të krijuar ndikim të rëndësishëm në komunitet, sidomos gjatë kohës së festave kur kujdesi për ata në nevojë merr një kuptim edhe me human
Kompania beson se magjia e vërtetë e festave qëndron në veprat e mira, në solidaritet dhe në momentet e vogla që sjellin lumturi.
Frosina Islami nga Coca-Cola HBC Kosova nënvizoi rëndësinë e kësaj iniciative:
“Jemi shumë të lumtur dhe krenarë që jemi pjesë e kësaj iniciative gjatë festave. Në një kohë kur shumë familje supozohet të jenë së bashku, është e dhimbshme që disa prej tyre përballen me sfida shëndetësore – sidomos të vegjlit, që janë pjesa më e ndjeshme e çdo familjeje. Festat na kujtojnë të mendojmë përtej vetes, dhe çfarë mënyre më të mirë sesa të ndajmë pak nga koha jonë për të qenë pranë të tjerëve me gjeste të vogla e të sinqerta.
T’u sjellësh një moment gëzimi këtyre fëmijëve është thelbi i vërtetë i shpirtit të festave dhe një kujtesë e fuqisë që kemi kur bashkohemi si komunitet.
Bashkëpunimi mes Coca-Cola HBC Kosova dhe Klubin Alpin Prishtina edhe një herë dëshmoi forcën e solidaritetit dhe humanizmit në vend. Për fëmijët dhe familjet në spital, vizita e “superheronjve” ishte shumë më shumë se një performancë — ishte një mesazh dashurie, guximi dhe mbështetjeje.
Ndërsa viti po mbyllet, Coca-Cola HBC Kosova mbetet e përkushtuar të mbështesë nisma që fuqizojnë komunitetet, frymëzojnë shpresë dhe krijojnë ndikim të qëndrueshëm në mbarë vendin.
