Çokollata për heronjtë e gjakut!

Qendra Kombëtare e Kosovës për Transfuzionin e Gjakut ka shpallur një tender për blerjen e çokollatave për dhuruesit e gjakut.

Kjo masë ka për qëllim shpërblimin e individëve që kontribuojnë në dhurimin e gjakut, duke ofruar një stimul simbolik për angazhimin e tyre humanitar.

Vlera e parashikuar për këtë tender është deri në 30,000 euro, shkruan IndeksOnline.

Afati për dorëzimin e ofertave është deri më datën 18 shkurt 2025.

Ky tender është një mundësi për furnizuesit që të ofrojnë produkte të përshtatshme për dhuruesit e gjakut, si pjesë e një iniciative që synon rritjen e numrit të donatorëve të gjakut dhe shpërblimin e tyre për kontributin e madh që japin për shëndetin publik.