Courtois: Ishte Vinicius ai që na tha të vazhdojmë ndeshjen ndaj Benficas

Portieri belg, Thibaut Courtois ka qenë së fundi në konferencë për shtyp.

Reali i tij, do ta ketë ndeshjen e kthimit ndaj Benficas në “Bernabeu”, e cila ka marrë vëmendje të madhe.

E gjithë kjo nisi pas golit të shënuar nga Vinicius Jr, ku festoi dhe më pas mori fishkëllima të mëdha nga tifozët si dhe mori karton të verdhë.

Më tutje u bë fjalë për një ofendim të aluduar në baza racore nga lojtari i Benficas, Gianluca Prestianni drejtuar brazilianit.

Courtois, më pas tregoi se ishte Vinicius ai që ju tha që të vazhdojnë të luajnë, pasi që u fol edhe për një bojkot.

“Ishte Vinicius ai që vendosi që ne duhet të vazhdonim të luanim ndeshjen kundër Benfica-s. Nëse ai do të vendoste të largohej, ne të gjithë do të largoheshim”, deklaroi Courtois./IndeksOnline/