Çun Lajqi: Sevapi fitohet me të dërgjaftët e spitaleve, e jo me t’pushtetshmit që iu vjedhin çdo ditë!

Aktori i njohur Çun Lajqi është duke u trajtuar në Klinikën e Pulmologjisë në QKUK.

Ai ka shprehur një kritikë për ata që shtrojnë iftar për prijës fetar e udhëheqës shtetëror, shkruan Indeksonline.

Çuni ka thënë se bamirësia bëhet nëse personave të shtrirë në spital iu ofrohet kujdesi i merituar.

Më poshtë keni postimin e plotë.

( Ju as me kuptu as me lexu?!)

Ju “sevaplitë” e Iftareve

  *   Leht asht me iu shtrua bukë me tana t’mirat e xhehnetit muftive, hoxhallarve e pushtetarve, ditën e bajramit e Natën e Kadrit!

Por

*   A e dini se sevapi fitohet edhe me të dërgjaftët e spitaleve (pos me jetima e fukara) e jo me t’pushtetshmit që iu vjedhin çdo ditë e milionerët që s’dinë kah i fituen paret?

*  

   A, s’asht sevap (nëse e keni për sevap e jo për biznis), me iu pru hurma Arabie e mish Kosove e bakllava Stambolli, nanave tueja, motrave tueja, baballarve tuej, të shtrimë nga covidi këtu n’zemrën e  qytetit?

   Këta s’kan ramazan, se s’i lejon smundja, por kalori iu duhet shumë ma shumë mushknive t’grimcueme!

*  

   Si s’iu vjen marre me dhanë aty ku s’duhet e me rrejtë Zotin në Natën e Kadrit o “sevapli” që edhe ju jeni mbushë gjynahe!

*  

   Ejani spitaleve e kqyrni se njerëzit e juve dërgjavën nga virusi e Zoti, (jo dushmanat) e ju shisni mend me tryeza plot shesheve e pazareve!

  Hej

  Ku janë dofar zemërgjanësh si Behgjeti e Lazim Destani që shkepshin dikur bombona e fiq Arabie kur ktheheshin nga Haxhi!?

*

   Nga spitali, po iu shkruen njeni që s’rrin rehat n’amelet e veta e bërtet “Ikni Çuni ikni Çuni”!

   Jo po, ikni vallahi se Covidi edhe juve iu nxuni!

Pulmologji, 09.05.2021./Indeksonline/