Dakota Johnson ka përgjigjen epike për dashurinë e saj për fustanet ‘nudo’

Ylli i ’50 Shades of Grey’ foli hapur për zgjedhjet e saj të guximshme në tapetin e kuq dhe vetëbesimin e saj në një intervistë me Vogue Germany.

Aktorja 36-vjeçare dhe regjisorja Dakota Johnson nuk shqetësohet aspak për atë që njerëzit mendojnë për fustanet e saj.

Në kopertinën e Vogue Germany, Johnson foli me sinqeritet për stilin e saj të guximshëm dhe pse planifikon të vazhdojë të veshë modele që shkaktojnë zhurmë në publik.

Kur u pyet nëse ndonjëherë e shqetëson ideja që “një fustan i zhveshur mund të jetë shumë seksi”, aktorja e Verity dha një përgjigje të prerë:

“Nuk më intereson fare,” – tha ajo.
“Kam pasur mundësinë të vesh disa nga fustanet më të bukur dhe ndihem e bukur me to, ndaj i vesh,” – shtoi ajo.
“Ndonjëherë ato fustane më shkojnë shumë. Por ka edhe disa që s’kanë dalë mirë fare. Varet nga forma, materiali, ngjyra dhe çdo detaj tjetër. Nëse gjej një fustan të bukur që më bën të ndihem rehat, sigurisht që dua ta vesh! Dhe është argëtuese të veshësh një fustan seksi.”

Johnson, e bija e aktores Melanie Griffith dhe yllit të Miami Vice, Don Johnson, tha se vetëbesimin e ka trashëguar nga e ëma.

“Mamaja ime ka qenë gjithmonë shumë e hapur kur flitej për trupin,” – rrëfeu ajo.
“Na mësoi si të kujdesemi për trupin tonë, si ta duam dhe ta shohim si diçka të bukur. Kjo është jashtëzakonisht e rëndësishme për vajzat e reja, sepse gjithmonë na thuhet që nuk jemi mjaftueshëm të mira.”
Ajo shtoi se dashuria për veten mësohet që në moshë të vogël:

“Nëse gruaja që e admiron më shumë nuk të thotë që je perfekte, e zgjuar, e veçantë, e fortë dhe e guximshme, kjo mund të të thyejë. Më vonë është shumë e vështirë të rilindësh atë dashuri për veten. Kjo ishte dhurata më e madhe që më dha ajo.”

Një nga veshjet më të përfolura të Dakotës ishte një fustan transparent Gucci me dantella të zeza me lule, që e veshi në darkën bamirëse të Fondacionit Kering Caring for Women në Nju Jork më 11 shtator.