Dalin pamjet e reja nga vendi i ngjarjes ku ndodhi plagosja në Prishtinë

IndeksOnline ka raportuar pak më parë për një plagosje që ka ndodhur sot rreth orës 07:00, në lagjen “Kodra e trimave”, në Prishtinë.

Flora Ahmeti, zyrtare për informim në Policinë Rajonale të Prishtinës, ka konfirmuar për IndeksOnlinen se pas marrjes së informatës, policia ka dalë menjëherë në vendin e ngjarjes dhe ka ndërmarrë të gjitha veprimet e nevojshme për hetimin e rrethanave të ngjarjes.

Sipas Ahmetit, dyshohet se një person ka mbetur i plagosur nga arma e zjarrit dhe është dërguar për trajtimn mjekësor.

Aktualisht, hetuesit policorë, në koordinim me prokurorinë, po kryejnë veprimet e nevojshme hetimore për të ndriçuar plotësisht rastin dhe për të zbardhur motivet dhe rrethanat e kësaj ngjarjeje. Ndërkohë RTK-ja ka publikuar edhe pamjet e fundit nga vendi i ngjarjes./IndeksOnline/