Dalin para gjykatës zyrtarët e arrestuar në Arkivin Shtetëror dhe Agjencinë Kadastrale

Sot po mbahet seanca dëgjimore ndaj të arrestuarve tek Agjencia e Kadastrave dhe Arkivit të Kosovës.

Në këtë seancë pritet të caktohet masa e paraburgimit ndaj katër të dyshuarve.

Aksioni i së mërkurës në agjencitë shtetërore kishte të bënte me rastin e arrestimit të avokatit Venhar Hana, i cili u prangos më 11 qershor për falsifikim dhe mashtrim.

Për këtë u deklaruan nga Prokuroria Themelore e Prishtinës, përmes zëdhënëses Kaltrina Shala.
Shala tha se aksioni në fjalë po zhvillohet në Agjencinë e Arkivave dhe atë Kadastral dhe lidhet me veprat penale ““ Keqpërdorim i pozitës apo autoritetit zyrtar”.

“Ju njoftojmë, se Prokuroria Themelore në Prishtinë në koordinim dhe bashkëpunim të ngushtë me Policinë e Kosovës, sipas urdhëresës nga gjykata ka marrë aksion për bastisje dhe kontroll në institutcionin e Arkivës dhe institutcionin kadastral të Republikës së Kosovës për veprën penale “ Keqpërdorim i pozitës apo autoritetit zyrtar” nga neni 414 të Kodit Penal të Republikës së Kosovës”.