Dani Alves në burg nënshkruan autografe për kolegët e burgosur

Ish-ylli i Barcelonës dhe Brazilit, Dani Alves thuhet se ka nënshkruar autografe për të burgosurit e tjerë në burg.

Futbollisti Dani Alves, është në burg në Spanjë pasi u ndalua nga policia lokale dhe u burgos pa lirim me kusht në pritje të gjyqit për një sulm të dyshuar seksual të një gruaje në një klub nate në Barcelonë.

Viktima e supozuar paraqiti një ankesë në fillim të këtij muaji dhe çështja mbetet e hapur, tha sistemi gjyqësor i Katalonjës në një deklaratë javën e kaluar.

Gazeta spanjolle Telecinco ka raportuar se Alves – të cilit iu mohua lirimi me kusht nga një gjyqtar i Barcelonës për shkak të rrezikut të lartë të perceptuar që ai të largohej nga vendi – ka nënshkruar autografe në burg, transmeton IndeksOnline.

Raporti thoshte se si një ish i burgosur tregoi një këmishë të nënshkruar nga 126-herë braziliani pas daljes nga burgu.

I burgosuri pa emër nuk ndante një qeli me Alves, por këmishën e tij e firmosi përmes një të burgosuri tjetër.

Ai ka treguar gjithashtu sesi mbrojtësi i djathtë është pranuar në burg dhe askush deri më tani nuk e ka quajtur ‘përdhunues’

Raporti vazhdoi të thoshte se si Alves është transferuar që atëherë nga burgu i Brians 1 në të cilin ndodhej në Brians 2 për ‘arsye sigurie’.

Viktima e supozuar e sulmit seksual tha se ish-mbrojtësi i djathtë i Barcelonës e qëlloi me shuplakë dhe e përdhunoi në tualetet e klubit të natës Sutton të qytetit spanjoll në dhjetor.

39-vjeçari Alves ka mohuar këto akuza dhe të premten e kaluar, ai doli para një gjyqtari të Barcelonës pasi policia lokale e ndaloi dhe e mori në pyetje, përpara se të burgosej pa lirim me kusht në pritje të gjyqit.

Alves ishte pjesë e skuadrës së Brazilit për Kupën e Botës në Katar muajin e kaluar dhe që atëherë atij i është ndërprerë kontrata me skuadrën meksikane Pumas pasi u burgos.

Ai luajti për Barcelonën nga 2008-2016 dhe u kthye shkurtimisht në ekipin e La Liga për sezonin 2021-22. /IndeksOnline/