Danimarka identifikon 33 raste me variantin e ri të Coronavirusit

Danimarka ka identifikuar 33 raste të të infektuarve me variantin e ri të koronavirusit, i cili është shpërndarë me shpejtësi në Britani të Madhe.

Autoritetet e Danimarkës në një raport të publikuar, të mërkurën, kanë deklaruar se rastet janë gjetur në testet për COVID-19 midis 14 nëntorit dhe 14 dhjetorit.

Danimarka, një lider ndërkombëtar në renditjen e gjenomit, deri tani ka analizuar materialin gjenetik nga 7.805 teste pozitive në atë periudhë, që do të thotë se varianti është gjetur në rreth 0.4% të infeksioneve, shkruan Reutersi.

Derisa vetëm 13.5 për qind e atyre testeve pozitive janë analizuar, SSI-ja ka thënë se përqindja mund të ndryshojë.

Britania, si edhe disa vende të tjera ka suspenduar fluturimet nga Britania, ku varianti i ri i koronavirusit është më lehtë i transmetueshëm dhe është shpërndarë shpejt në jug të Anglisë, përfshirë edhe Londrën.