21:13 / E Shtunë, 19 Shtator 2020

Daut Haradinaj krenohet me Policinë e Kosovës, pas aksionit në Karaqevë

Deputeti nga radhët e Aleancës së Ardhmërisë së Kosovës, Daut Haradinaj, ka thënë se ndjehet krenar për Policinë e Kosovës pas aksionit të suksesshëm të Karaçevës mbrëmë.

“Kudo që e kanë kokën, kështu do të duken. Krenar me policinë tonë”, shkroi ai.

Ndryshe, të gjitha kazinotë ilegale që tash e dy vjet po ushtronin veprimtaritë e tyre në fshatin Karaçevë të Kamenicës, janë rrënuar mbrëmë. Të premten gjatë një aksioni janë arrestuar 35 persona, ku prej tyre edhe 12 zyrtarë policorë të cilët dyshohen për kontrabandim me mallra dhe mundësim të qytetarëve për të ushtruar këtë veprimtari. Ndër tjera, janë konfiskuar edhe 120 aparate dhe gjësende tjera, të cilat shërbejnë si prova materiale./IndeksOnline/