Daut Haradinaj: Për shkak të COVID-19, s’do të ketë manifestim për Epopenë e Dukagjinit në Gllogjan
Shefi i Grupit Parlamentar të AAK-së, Daut Haradinaj ka deklaruar se për shkak të situatës së krijuar nga COVID-19, nuk do të ketë manifestim për Epopenë e Dukagjinit në Gllogjan.
Ai tha se të rënët do të kujtohen dhe nderohen nga shtëpitë, me respekt e krenari, transmeton Indeksonline.
Tutje ai shtoi se dëshmorët janë shtylla e shtetit dhe historia që nuk harrohet kurrë.
Postimi i plotë:
Të nderuar bashkëqytetarë,
Duke parë gjendjen në të cilen po kalojmë për shkak të COVID-19, duhet të ju njoftojmë që nuk do të ketë manifestim për Epopenë e Dukagjinit në Gllogjan. Do i kujtojmë dhe nderojmë nga shtepitë tona, me respekt e krenari.
Gazmendit, Himës dhe Agronit, të rënëve të parë të kësaj beteje të lavdishme, nderime dhe LAVDI.
Dëshmorët janë shtylla e shtetit dhe historia që nuk harrohet kurrë.
DH