De Jong te Manchester United, Romano jep lajmin e fundit

Manchester United është duke menduar të bëjë një ofertë të dytë për mesfushorin e Barcelonës Frenkie De Jong ndërsa ata kërkojnë të fillojnë merkaton e verës, sipas gazetarit italian Fabrizio Romano.

Djajtë e Kuq janë lidhur për të nënshkruar me mesfushorin 25-vjeçar në javët e fundit, ndërsa Erik ten Hag kërkon të forcojë opsionet e tij në mes të fushës në Old Trafford, shkruan Indeksonline.

Manchester United raportohet të ketë pasur një ofertë fillestare për De Jong e cila u refuzua nga Barcelona.

Tani, gazetari italian Romano ka dhënë një përditësim të ri mbi interesimin e Manchester United për të nënshkruar me De Jong këtë verë, duke thënë në rrjetet sociale se Djajtë e Kuq po zhvillojnë bisedime për të bërë një ofertë të re për mesfushorin, ndërsa vazhdojnë të negociojnë me klubin spanjoll.

“Manchester United po diskuton në mënyrë të brendshme rreth paraqitjes së një propozimi të ri për Frenkie de Jong në ditët e ardhshme. Kjo është një mundësi serioze, ndërsa bisedimet me Barkën janë ende në vazhdim. Marrëveshja do të hyjë në fazat kyçe me 60 milionë euro“, thuhet ndër të tjerash në postimin e Romanos.

Ten Hag është i njohur si një admirues i madh i De Jong që ka punuar së bashku në Ajax. Mesfushori është zhvilluar në një lojtar kyç për Barcelonën që nga transferimi i tij te klubi spanjoll nga Ajaxi në vitin 2019, me 25-vjeçarin që ka bërë 140 paraqitje për skuadrën e La Ligas gjatë tre sezoneve. /IndeksOnline/