Deklaroi se ishte miliarder, por përfundon në OnlyFans, lëvizja e partnerit të modeles bën bujë

Katie Price është parë e buzëqeshur teksa u nis drejt Dubait për t’u ribashkuar me bashkëshortin e saj, Lee Andrews, mbrëmjen e së shtunës.

Modelja 47 vjeçare, u fotografua në aeroportin Gatwick Airport ndërsa përgatitej të hipte në një fluturim në klas biznesi për t’iu bashkuar partnerit të saj, transmeton Indeksonline.

Për udhëtimin, Katie kishte veshur një fanellë blu dhe të bardhë të Porto Rikos, të kombinuar me pantallona të bardha, ndërsa i vëreheshin edhe pjesët e të brendshmeve të saj nga Victoria’s Secret.

Ajo u pa në sportelet e check-in-it me një valixhe të madhe rozë dhe një çantë Louis Vuitton të hedhur në shpatull.

Ish-modelja u martua fillimisht me biznesmenin 42-vjeçar në janar, vetëm pak javë pasi u njohën, përpara se të zhvillonin edhe një ceremoni të dytë ligjore një veprim që shkaktoi habi dhe shqetësim tek fansat dhe familjarët, për shkak të raportimeve se Lee mund të ishte mashtrues.

Ndërsa Andrews është paraqitur si një magnat i suksesshëm biznesi, Daily Mail ka hedhur më parë dyshime mbi këtë imazh, duke raportuar se ai është ndaluar të largohet nga Dubai pasi ka kaluar tre javë në një burg në Emiratet e Bashkuara Arabe, i akuzuar për falsifikimin e firmës së ish-të dashurës së tij për të siguruar një kredi prej 200 mijë paundësh.

Që prej martesës së tyre, Lee Andrews ka bërë vazhdimisht deklarata se do të kthehet në Mbretërinë e Bashkuar për të qenë pranë saj.

Në fillim të këtij muaji, Andrews njoftoi se po i bashkohej OnlyFans, pavarësisht se më parë kishte pretenduar se ishte miliarder.

Përmes “Instagram Stories”, ai publikoi një selfie nga palestra me filtra të theksuar, duke e quajtur veten një “sensacion i rrjeteve sociale” dhe duke ndarë detaje për një audiencë të pretenduar prej 83 milionë shikimesh.

Me fytyrën pothuajse të panjohshme për shkak të filtrave dhe pa bluzë për të ekspozuar fizikun e tij të tonifikuar, në mbishkrim shkruhej: “Lee Andrews gati të fitojë më shumë para: Sensacioni i rrjeteve sociale i bashkohet OnlyFans”./Indeksonline/