Del për herë të parë para Speciales ish-presidenti Hashim Thaçi

Sapo ka bërë paraqitjen e tij të parë, para trupit gjykues në  Dhomat e Specializuara, ish-presidenti i Kosovës, Hashim Thaçi, raporton IndeksOnline.

Aktakuza kundër Hashim Thaçit u konfirmua, më 26 tetor 2020.

Ai u arrestua nga Zyra e Prokurorit të Specializuar, më 5 nëntor  dhe u transferua në objektin e paraburgimit të Dhomave të Specializuara të Kosovës (DHSK) në Hagë po të njëjtën ditë.

Aktakuza e ngarkon Hashim Thaçit me akuza për krime lufte dhe krime kundër njerëzimit, sipas të Drejtës ndërkombëtare, për forma të ndryshme të përgjegjësisë penale./IndeksOnline/