Delegacioni i Serbisë lëshon sallën në momentin kur Kosova merr fjalën
Kosova sot ka marrë pjesë në takimin për normalizimin e aviacionit në Ballkan i cili është mbajtur në NATO.
Kjo nuk i ka pëlqyer fare delegacionit të Serbisë, pasi që ata kanë lëshuar sallën në momentin kur kanë filluar diskutimet zëvendësministri i Mbrojtjes së Republikës së Kosovës, Burim Ramadani, dhe drejtori i Autoritetit Civil të Aviacionit, Eset Berisha, shkruan Indeksonline.
Lëshimin e sallës nga shef i delegacionit të Serbisë Pedrag Bandic, e ka bërë të dituar për Indeksonline zëvendësministri i Mbrojtjes, Burim Ramadani i cili ka shprehur keqardhje për sjelljen e Serbisë.
“Shpreh keqardhjen time dhe të delegacionit të Kosovës për largimin nga salla e takimit të përfaqësuesit të Serbisë. Jam i sigurt që Kosova ka përfaqësuar veten në formë konstruktive” ka thënë Ramadani.
Tutje Ramadani është shprehur se janë konstruktiv dhe të vendosur për bashkëpunim rajonal, në bashkëpunim me NATO-n.
“Kosova është plotësisht e vullnetshme për të punuar me NATO-n dhe KFOR-in në kornizën kohore të dakorduar, në mënyrë që të përfundojmë situatën e deritashme të paarsyeshme’ është shprehur Ramadani.
Takimi në NATO ka qenë takim rajonal dhe është mbajtur për të qartësuam pozicionin e Kosovës për hapjen e hapësirës së ulët ajrore, duke funksionalizuar kështu zgjidhje për uljen e kostos së çmimeve të biletave të fluturimit për qytetarët tanë./Indeksonline/