Demi Moore mahnit në tapetin e kuq, vesh fustanin që kushton rreth 20 mijë euro

Yje të shumtë kanë mbërritur në premierën e filmit “The Substance” në Los Angeles, ndër ta ishte edhe Demi Moore (61-vjeçe), e cila mori vëmendje me veshjen e saj mbresëlënëse.

Ajo kaloi në tapetin e kuq me një fustan kuq e zi me të cilin vinte në pah figurën e saj të hollë dhe fansat nuk kishin ç’të thonin tjetër veç fjalë lavdërimi për aktoren, transmeton Indeksonline.

“Ajo është përkufizimi i përsosmërisë. Ajo është më e bukura”, ka shkruar një fans në rrjetet sociale.

Demi ka lënë në hije kolegët e saj të shumtë ku u shfaq e veshur me një fustan me model interesant, që ngjason në copa xhami.

Sipas faqes zyrtare , aktorja ka shpenzuar rreth 20 mijë euro për këtë veshje të shtëpisë së modës “Oscar de la Renta”. Kombinimin e modës e ka kompletuar me vathë elegantë, ndërsa flokët i ka lëshuar në kaçurrela.

Ajo erdhi në premierë me vajzat e saj Rummer, Scout dhe Tallulah, të cilat pozuan për fotografët.

Rastësisht, filmi “The Substance” fitoi audiencën në Festivalin e Filmit në Kanë të këtij viti. Përveç Demi Moore, rolet kryesore luajnë edhe Margaret Qualley dhe Dennis Quaid./Indeksonline/