Departamenti i Drejtësisë i SHBA-së hap hetim penal ndaj kryetarit të Rezervës Federale, Jerome Powell

Prokurorët federalë kanë hapur një hetim penal ndaj kryetarit të Rezervës Federale, Jerome Powell, tha ai të dielën. Në një veprim shumë të pazakontë, Powell zbuloi se Departamenti i Drejtësisë i SHBA-së i dorëzoi agjencisë thirrje në gjyq dhe paralajmëroi me një padi penale për dëshminë që dha në një komision të Senatit në lidhje me rinovimet e ndërtesave të Rezervës Federale.

Duke e quajtur hetimin “të paprecedent”, Powell tha se besonte se nisi për shkak të zemërimit të Donald Trumpit për refuzimin e Rezervës Federale për të ulur normat e interesit pavarësisht presionit të përsëritur publik nga presidenti, ndërsa paralajmëroi se pavarësia e bankës qendrore të SHBA-së është në rrezik.

“Kjo ka të bëjë me faktin nëse Rezerva Federale do të jetë në gjendje të vazhdojë të vendosë normat e interesit bazuar në prova dhe kushte ekonomike, apo nëse në vend të kësaj politika monetare do të drejtohet nga presioni politik ose frikësimi”, tha Powell.

“Kam respekt të thellë për sundimin e Ligjit dhe për llogaridhënien në demokracinë tonë. Askush, nuk është mbi ligjin, por ky veprim i paprecedentë duhet të shihet në kontekstin më të gjerë të kërcënimeve të administratës dhe presionit të vazhdueshëm”, vazhdoi ai.

Trump tha në një intervistë me NBC News-in të dielën se nuk kishte asnjë dijeni për hetimin e Departamentit të Drejtësisë ndaj Rezervës Federale. “Nuk di asgjë për këtë, por ai sigurisht nuk është shumë i mirë në rezervë”, tha ai për Powell-in.

Trump e nominoi Powell-in për rolin e kryetarit të Rezervës Federale në vitin 2017, gjatë mandatit të tij të parë si president. Powell pritet të japë dorëheqjen në maj dhe Trump pritet të emërojë një pasardhës si kryetar deri në fund të muajit.