Deportohet nga Maqedonia Veriore për në Kosovë një 21 vjeçar kosovar

Policia e Kosovës ka njoftuar se  gjatë ditës së sotme ka deportuar nga Maqedonia Veriore në Kosovë, 21 vjecari A.B.

Ai ishte në kërkim në lidhje me disa raste të grabitjeve dhe mashtrimeve të kryera në Ferizaj e Prishtinë.

“Lidhur me disa raste të grabitjeve dhe mashtrimeve të kryera në Ferizaj,Prishtinë dhe Prizren gjatë vitit 2020, pas një pune hetimore nga hetuesit policor nga Sektorit rajonal në Ferizaj si dhe mbledhjen provave dhe  dëshmive materiale  lidhur me këto raste , sot me datë 04.03.2021 nga  autoritetet e Maqedonisë Veriore  është deportuar  në Kosovë i  dyshuari A.B. (m/Sh/Kosovar  21 vjeçar) i cili ka qenë në kërkim”, theksohet në komunikatën e policisë.

Pas përfundimit të procedurave ligjore, me urdhër të Prokurorit të shtetit, i njejti është dërguar në ndalim policor prej 48 orësh deri në kompletimin e lëndës.