Deputeti i AAK-së viziton varrin e Hilmi Haradinajt: Është shembulli më i mirë i kontributit për liri e pavarësi

Deputeti i Kuvendit të Kosovës nga radhët e AAK-së, Gani Dreshaj ka vizituar sot varrin e Hilmi Haradinajt, babait të heronjve të familjes Haradinaj.

Dreshaj tha se baca Hilmi është shembulli më i mirë i kontributit jetësor për liri e pavarësi, transmeton Indeksonline.

Tutje ai uroi të gjithë për 11-vjetorin e shteti të Kosovës, me nderimet më të larta për ata që u sakrifikuan për Kosovën.

Postimi i plotë:

Në këtë përvjetor të shtetësisë së Kosovës, vendosa të vizitojë varrin e bacës Hilmi, prindit të heronjëve të gjallë e të vdekur.

Baca Hilmi është shembulli më i mirë i kontributit jetësor për liri e pavarësi.

Çfarë pati e çfarë mundi, ky njeri i urtë s’u mposht nga asnjë sfidë, duke qenë inspirim për shumë breza të ndërtimit të shtetit të Kosovës.

Amanetet e babës sot po i kryen e po i bën realitet djali i tij, kryeministri Haradinaj, me vendime që po dëshmojnë se Kosova është shtet sovran e i pavarur.

Me nderimet më të larta për ata që sakrifikuan për Kosovën shtet, urime ditëlindja e 11-të e shtetit tonë të bukur.

G.D