Deputeti i LDK-së nuk i duron kritikat e bashkëpartiakëve, i kërcënon me “letra të ndërkombëtarëve”

Deputeti i LDK-së, Naser Rugova nuk i ka përballuar kritikat nga bashkë partiakëve për mungesën e tij në Kuvendin e Kosovës gjatë votimit për rezolutën e LDK-së kundër përfaqësimit të Thaçit në dialogun me Serbinë.

Ai është përplasur në Facebook me ish-deputetin e LDK-së Hashim Deshishkun i cili ka kritikuar deputetët e kësaj partie që nuk votuan për miratimin e kësaj rezolute.

“Nder ta ishte edhe Naser Rugova po me habit fakti si një njeri i Familjes Rrugova nuk e voton Rezolutën e LDK-sê ku në të gjitha debatet televizive është kundër Hashim Thaqit dhe kur duhet me votu, nuk e voton. Nese është e vërtet vaj halli për këta deputet”, ka shkruar ai.

Në komente është përgjigjur Rugova. Ka thënë se nuk ka qenë fare prezent në Kuvend për këtë arsyeje edhe nuk ka votuar.

“Para se te konstatoni duhet vërtetuar mire faktet. Unë nuk kam qene fare prezent ne salle, e din koleget e mijë te grupit ku kam qene dhe pse. Kam qene dhe jam kundër Hashim Thaçit dhe ketë e dinë te gjithë, dhe jam krenar që kurrë nuk kam qene paterice dhe ne qeverisje me te. Prandaj mos bjer pre e spekulimeve të portaleve se populli e din kush është me Hashimin e kush jo”, ka shkruar deputeti Naser Ruogva

Ndërsa, Deshishku ka vazhduar përsëri të komentoj. Ka thënë se shpreson që Rugova të ketë pasur një takim më të rëndësishëm se sa votimi i rezolutës së prezantuar nga LDK.