18:30 / E Mërkurë, 28 Tetor 2020

Deputeti i parë transgjinor i Tajlandës shkarkohet nga parlamenti

Parlamenti i Tailandës mbeti pa deputeten e tij të parë transgjinore të mërkurën pasi gjykata kushtetuese revokoi vendin e saj në atë që kritikët e quajtën një lëvizje politike kundër mbështetësve të lëvizjes pro-demokracisë së mbretërisë.

Tanwarin Sukkhapisit, një ish-aktor dhe krijues filmash, ishte një pioniere për komunitetin LGBT kur fitoi një vend në zgjedhjet e vitit të kaluar për Partinë e Ardhmja.

Por partia u shpërbë në shkurt të këtij viti, një veprim që përshkallëzoi pakënaqësinë dhe nxiti aktivistët pro-demokracisë për të kërkuar qeverinë të tërhiqej.

Dhjetëra deputetë të saj, përfshirë Tanwarin, u bashkuan me një parti tjetër – Partia për Lëvizje Përpara – por një gjykatës vendosi sot që, si një “aksionar i një kompanie mediatike”, ajo kishte shkelur ligjin zgjedhor dhe duhet të linte vendin e saj parlamentar.

“Unë nuk jam befasuar – prisja që kjo të ndodhte. Unë do të vazhdoj punën time duke luftuar për rezultate më të mira për komunitetin LGBT,” tha Tanwarin për AFP, duke shtuar se ajo nuk mendonte se vendimi kishte të bënte me identitetin e saj gjinor.

Tanwarin është viktima e fundit e një ligji që shumë pretendojnë se qeveria po përdor si një armë politike.

Ndryshe, Parlamenti i Tajlandës ka edhe tre deputetë të tjerë transgjinorë.