Deputeti kosovar bëhet sot shitës, ky është misioni i tij

Deputeti nga radhët e Lëvizjes Vetëvendosje, Fitim Uka, ka shprehur vullnet që sonte të jetë në shërbim të qyetarëve, të cilët do të kalojnë mbrëmjen në tendat e Down Syndrome Kosova (DSK) dhe Autizmi Flet, shkruan IndeksOnline.

Ai gjatë mbrëmjes do të ketë rolin e shitësit që do të shërbejë çaj e kafe, do të shesë kartolina, për të mbledhur fonde për fëmijët me aftësi të kufizuara.

Postimi i plotë:

Të dashtun,

Mbështetjen për fëmijët me aftësi të kufizuara e kemi obligim, por është edhe kënaqësi e veçantë. Unë kam vendosur, që përpos konstributit modest profesional, sonte të kaloj mbrëmjen në tendat e Doën Syndrome Kosova (DSK) dhe Autizmi Flet.

I rikthehem profesionit të shitësit dhe do të shërbej me kënaqësi çaj e kafe, do të shes kartolina, për të mbledhur fonde për fëmijët me aftësi të kufizuara.

Po ju lutem, që kafen apo çajin e sontëm, ta shijoni më shumë edhe duke ndihmuar fëmijët me sindomin Doën apo fëmijët me Autizëm.

Për familjarët e miqtë, që iu kam premtuar kafe, sonte e keni mundësinë ideale (paguaj dhe shërbej unë :)).

Ju mirëpres nga ora 17:00 e tutje.

P.S. Tendat e DSK dhe Autizmi Flet jane ne Sheshin Zahir Pajazifi, afer Hotelit “Grand”.