Deputetja e Nismës e godet Osmanin: S’e di a jeni në LDK, kryetare pa parti

Arbëresha Krasniqi nga Nisma Socialdemokrate ka nxitur debat me t’i dhënë fjalën në Parlament, nga Kkyetarja e Kuvendit Vjosa Osmani.

Ajo gjeti veten në një argument me Osmanin, e cila që në fillim e cilësoi Krasniqin si deputete pa Grup parlamentar.

”Një deputete pa Grup parlamentar e kemi për momentin”, është shprehur Osmani.

”Kështu figuroni në shkresën që e kam unë, të cilën se bëj unë, por administrata”.

Megjithatë i menjëhershëm ishte reagimi i saj  duke i thënë Vjosa Osmanit që ende nuk e di nëse është pjesë e LDK-së ose jo.

”Deputete nga radhët e Nismës. Tashti nuk e di a jeni LDK ju apo qysh me ja ba kësaj pune. Nëse të pengon emri i Nismas Socialdemokrate mundesh me thanë emrin dhe mbiemrin. Na jemi parti Socialdemokrate, për mu më e pranueshme është për mua si deputete pa grup, por jo si kryetare pa parti. Disi është më e dhimbshme kjo farë pune”, u shpreh ajo.