Deputetja Idrizi: Pse s’po reagon VV ndaj Tomë Gashit që shqelmonte lypësarin

Deputetja e Partisë Demokratike të Kosovës ka dënuar ashpër sulmin që avokati Tomë Gashi, i bvëri një lypësari në shesh të Prishtinës.

Valdete Idrizi, videon që ka qarkulluar në rrjete sociale të avoktit kosovar I ka quajtur tronditëse, derisa ka thënë se pse s’ka reaguar asnjë institucion deri më tani.

Ky është postimi i deputetes Idrizi:

Tronditëse, deri në palcë, janë pamjet ku avokati i Qeverisë Kurti dhe aktivisti i Lëvizjes Vetëvendosje, Tomë Gashi, mu në Sheshin Nëna Tereze në Prishtinë, shkelmon pamëshirshëm, me shfrenim, një njeri në nevojë, i cili ishte ulur në rrugë dhe kërkonte lëmoshë.

Sa më ka shqetësuar vrazhdësia dhe poshtërsia e avokatit të LVV-së, po aq më ka tronditur mungesa e reagimit nga vet LVV e cila, së paku publikisht, ka thënë se promovon barazinë dhe politikat sociale.

Pastaj, ku është reagimi dhe distancimi nga Ministria e Drejtësisë, ku është reagimi i Avokatit të Popullit, ku është reagimi i KMLDNJ-së e OJQ-ve të tjera? Askund! Askush!

Nuk po e kuptoj heshtjen e tyre. A vjen na frika apo nga lakmia për të përfituar nga pushteti dhe pushtetarët?!

Turp të qoftë Tomë Gashi. Ndonëse, e ke dëshmuar se ti nuk turpërohesh për asgjë.