75 Mall Live Search
10:03 / E Diele, 23 Dhjetor 2018 / indeksADMonline

Derisa Man Unitedi po e ”demolonte” Cardiffin, Mourinho po e shikonte këtë ndeshje

Jose Mourinho nuk mund të qëndrojë larg futbollit.

Derisa ish-skuadra e tij, Manchester Unitedi ishte duke e ”demoluar” si mysafir Cardiff Cityn, ai aranzhoi pasditën e tij për ta shikuar një ndeshje futbolli.

Trajneri portugez e shpenzoi pasditën e tij duke e shikuar skuadrën e vendlindjes së tij, Vitoria Setubal kundër Santa Clara në kuadër të kampionatit portugez.

Mourinho posedon biletë sezonale të skuadrës së tij lokale dhe e shikoi ndeshjen përkrah djalit dhe miqëve të tij, transmeton IndeksOnline.

Nuk ishte rezultat pozitiv për Setubal, skuadër e cila u mposhtë me rezultat, 0-2 nga Ponte Delgada në ”Estadio do Bonfim”.

Kujtojmë se pas shkarkimit të Mourinhos, Man Unitedi emëroi në vend të tij përkohësisht legjendën e klubit, Ole Gunnar Solskjaer.

Nën urdhrat e Solskjaer, ”Djajtë e Kuq” e filluan mbarë duke mposhtur Cardiffin me rezultat bindës, 5-1./IndeksOnline/

Mos i humb

Të fundit nga Sport