Dështon mbledhja e Komisionit për buxhet, rikthehet në shtator

Në mungesë të kuorumit, ka dështuar mbledhja e Komisionit për buxhet, punë dhe transfere.

Kësisoji, mbledhjet e këtij komisioni do të rikthehen në shtator.

Në rend të ditës ishte votimi i disa raporteve financiare.

Si pikë e parë ishte votimi i raportit vjetor financiar i buxhetit të Republikës së Kosovës për vitin 2023, pastaj raporti i Zyrës Kombëtare të Auditimit për vitin 2023, i Agjencisë për Informim dhe Privatësi, Autoritetit Rregullativ të Shërbimit të Ujit, etj.

Të pranishëm ishin vetëm deputetët e Lëvizjes Vetëvendosje.