Detaje të reja, kjo është gjendja shëndetësore e Kate Middleton

Kate Middleton prej disa muajsh është diagnostifikuar me kancer, ndërsa ka pasur pak informacione për gjendjen e saj shëndetësore, ndryshe nga Mbreti Charles i cili gjithashtu vuan nga kjo sëmundje.

Së fundmi “Kensington Palace” kanë dhënë detaje të reja mbi Princeshën e cila për një kohë të gjatë do të shkëputet nga projektet e saj në familjen mbretërore.

Përveç kësaj pune të vazhdueshme, sipas informacioneve Princesha e Uellsit është ende duke u trajtuar për sëmundjen e saj dhe si rezultat ajo do të qëndrojë larg punës për një kohë të caktuar.

Middleton do të vazhdojë të mbajë një distancë për sa i përket çështjeve zyrtare, me bashkëshortin Princi William që do të vazhdojë të udhëheqë rrugën në atë front.

Mediat angleze kanë raportuar se burimet më të afërta me familjen mbretërore thonë se Middleton do t’i kthehet detyrave publike “kur të jetë në një gjendje më të mirë shëndetësore”.