Detaje tronditëse/ Liam Payne po tentonte të ikte nga ballkoni, momenti kur punëtorët e fusin me zor në dhomë

Liam Payne duket se donte të arratisej nga hoteli ku po qëndonte, teksa e gjeti vdekjen.

Sipas TMZ-së, pjesëtarët e hotelit e dinin që ai po kërcënonte të përdorte ballkonin si mjet për t’u arratisur, por e lanë vetë … kjo sipas dëshmitarëve, raporton policia, transmeton Indeksonline.

Çka dihet!

Liam-i e urrente të mbyllej në dhomat e hotelit … diçka me të cilën duhej të merrej gjatë kohës së tij në One Direction.

Ai kishte përdorur planin e arratisjes nga ballkoni më parë, së fundmi në mesin e shtatorit, ku burime të drejtpërdrejta i thanë TMZ-së për këtë ndodhi.

Truproja e Liam-it ishte i shqetësuar se ai mund të kishte qenë nën ndikimin e drogës.

Shikoni pamjet e mbikqyrjes nga Hoteli CasaSur Palermo në Buenos Aires. Liam-in e kishin kapur 3 punonjës hoteli, të cilët e çojnë në dhomën e tij, disa minuta para se të binte nga ballkoni për vdekje.

Liam ishte i vetëdijshëm, megjithëse ia turbulluam fytyrën, ai e mban kokën drejt.

Dhe, vetëm 2 minuta para se ta bartnin, Liam po qëndronte drejt.

Kur punonjësit e hotelit e çuan Liam-in në dhomën e tij, ai luftoi me ta … dukej qartë se nuk donte të hynte brenda.

Megjithatë, hoteli përdori një çelës kryesor për të hyrë në dhomë, e futi Liam-in brenda dhe, sipas raportit të policisë të marrë nga TMZ, ata hoqën një pasqyrë nga muri jashtë dhomës së tij, me sa duket që ai të mos e dëmtonte atë.

Është e qartë se Liam u tha punonjësve se nuk donte të ishte në dhomë dhe do të përdorte ballkonin për t’u arratisur, sepse një nga ata punonjës telefonoi më vonë dhe tha se kishin frikë se ai mund të përdorte ballkonin dhe të lëndonte aksidentalisht veten.

Sipas transkriptit të 911, punonjësi i hotelit tha: “Nuk e di nëse jeta e tij mund të jetë në rrezik. Ai është në një dhomë me ballkon dhe, mirë, kemi pak frikë …”

Kështu punonjësit e hotelit e lanë Liam-in vetëm, brenda dhomës … ku ai ra për vdekje. Duket se ai po përpiqej të arratisej përmes ballkonit, sepse kur u gjet trupi i tij ai kishte një çantë në shpinë… e cila nuk ishte mbi të kur e morën.

Duket se Liam po përpiqej të shkonte nga ballkoni i katit të 3-të në ballkonin e katit të 2-të dhe më pas të hidhej në një distancë të shkurtër në tokë. Kjo teori mbështetet nga raporti i policisë, i cili thotë se 2 ditë pas vdekjes së Liamit, një punonjës hoteli shkoi në dhomën e katit të 2-të pikërisht poshtë asaj të Liamit dhe gjeti një çantë lëkure ngjyrë kafe (jo çantën e lidhur në supe) në ballkon me një shënim brenda ku shkruhej “për Liam”, së bashku me pilula të ndryshme dhe një shishe Jack Daniel’s. Raporti thotë se çanta i përkiste Liam-it. Kështu me sa duket, ai e hodhi çantën poshtë në ballkonin e katit të 2-të përpara se të përpiqej të zbriste vetë.

Mjeku ligjor thotë se Liam mund të ketë qenë pa ndjenja kur u rrëzua, por ai ishte i vetëdijshëm kur e lidhi çantën në supe brenda dhomës së tij dhe shkoi në ballkon.

Një burim tha që beson se autoritetet argjentinase po përpiqen të mbrojnë hotelin, dhe kjo është arsyeja pse ata kanë ndjekur 3 persona — një mik, një kamerier dhe një punonjës hoteli të atëhershëm që dyshohet se furnizoi Liam-in me drogë. Burimi beson se hoteli mban përgjegjësinë që supozohet se kujdeset më shumë për mbrojtjen e pronës së hotelit sesa kujdesin për sigurinë e Liamit.

TMZ ka kontaktuar me hotelin dhe ata thanë që nuk kishin “asnjë koment”./Indeksonline/