Dhjetëra anëtarë të bandës më të madhe të Brazilit kanë ikur nga burgu, përmes një tuneli
Dhjetra anëtarë të bandës më të madhe të Brazilit kanë shpëtuar nga burgu duke përdorur një tunel shpëtimi që çon jashtë burgut Paraguai.
Anëtarët e bandës ishin midis 75 të burgosurve ‘shumë të rrezikshëm’, shkruan Indeksonline.
Pjesa më e madhe e arratisjeve thuhet se i përkasin bandës braziliane Primer Comando Capital (PPC).
Autoritetet kanë gjetur që prej asaj kohe një tunel për të cilin besojnë se ishte përdorur në arratisje.
Tuneli ishte fshehur me kujdes për të shmangur zbulimin, megjithatë Ministrja e Drejtësisë Cecilia Perez u tha gazetarëve:
“Kjo nuk ishte puna e një njeriu të vetëm, dhe nuk u bë brenda një dite. Është e pamundur që askush nuk dinte asgjë”.
Autoritetet nuk e përjashtojnë mundësinë që shumë prej të burgosurve të zhdukur gjithashtu mund të kenë dalë nga dalja kryesore e burgut me bashkëpunimin e rojeve.
Drejtori i burgut Christian Gonzalez dhe shefat e sigurisë së objektit janë pushuar nga puna dhe arrestuar, sipas raportimeve.
PCC konsiderohet banda më e madhe e trafikut të drogës dhe armëve në Brazil./Indeksonline/