Dhuna në “It’s My Home”, ish-banori kujton rastin e ngjashëm në Big Brother Albania

Goditja me këpucë e njërës nga banoret e “It’s My Home” ka bërë që opinioni i gjërë të reagojë ndaj dhunës në televizion.

Pas bujës që bëri kjo ngjarje ka reaguar fituesi i Big Brother Albania 6, Anaid Kaloti.

Ai në rrjetet sociale ka publikuar një nga sherret më të mëdha të ndodhura në formatin ku mori pjesë, ku dy banoret Ilda dhe Mardiola përveç ofendimeve, u gjuajtën me pjata dhe u zunë fizikisht.

Në formatin e BB por edhe formate të tjera televizive të tipit “reality show” ndër vite kishin ndodhur sherre që janë transmetuar direkt në televizionet shqiptare por masa të tilla si ndaj “It’s My Home” në Kosovë është e vetmja masë e shqiptuar ndonjëherë ndaj produksionit.