Dhunohet një 15-vjeçare nga një burrë, që kërkoi t’ia përdorte telefonin e saj

Një vajzë 15-vjeçare është dhunuar në një park nga një burrë që pretendonte se kishte nevojë të përdorte telefonin e saj në Manchester Greater.

Vajza adoleshente ishte në Chadderton Hall Park në Oldham kur burri iu afrua asaj natën e së dielës.

Ai më pas ecte përgjatë një shtegu drejt lumit me telefonin e saj – me vajzën e re që e ndiqte.

Por në mënyrë të tmerrshme, burri atëherë dhunoi adoleshenten, shkruan “The Sun” transmeton IndeksOnline.

Policia e Mançesterit, po heton rastin në fjalë.

Rreshteri detektiv, Alex Wilkinson i GMP’s Oldham District tha:

 “Ky ishte një sulm tronditës ndaj një vajze të re dhe mendimet tona janë me të, ndërsa ajo vazhdon të mbështetet nga oficerët specialistë. Unë do të doja të siguroja bashkësinë lokale se ne kemi një ekip të detektivëve që punojnë për këtë dhe do të ketë një prani të rritur të policisë në zonë gjatë ditëve të ardhshme. Ne kemi një përshkrim shumë të mirë të burrit të përfshirë dhe unë do të kërkoj secilin që e njeh këtë përshkrim të kontaktojë menjëherë policinë”, ka thënë rreshteri nga Mançesteri, Alex Ëilkinson.

“Edhe detaji më i vogël mund të na ndihmojë të ndjekim linja hetimi dhe të gjejmë njeriun përgjegjës për këtë sulm të tmerrshëm. Sulmuesi duket të jetë diku rreth të 30-ve”, ka shtuar tutje ai. /IndeksOnline/