Diaspora mobilizohet për mbështetjen e Ruzhdi Shehut

Kryetari aktual i Junikut, Ruzhdi Shehu, po synon edhe një mandat në këtë komunë.

Në prag të zgjedhjeve lokale, ai ka marrë përkrahje të madhe nga diaspora e Junikut, shkruan IndeksOnline.

“Sipas informacioneve që kemi mbledhur nga terreni, deri më tani nga 1407 votues të regjistruar nga mërgata kanë votuar rreth 700 prej tyre për Lidhjen Demokratike të Kosovës.

Mërgata është gjysma e zemrës së Junikut prandaj vota juaj është e domosdoshme për të vendosur mbi fatin e Junikut në 4 vitet e ardhshme” është shprehur Shehu.

Ky është postimi i plotë i tij:

E dashur mërgatë e Junikut,

Sipas informacioneve që kemi mbledhur nga terreni, deri më tani nga 1407 votues të regjistruar nga mërgata kanë votuar rreth 700 prej tyre për Lidhjen Demokratike të Kosovës.

Mërgata është gjysma e zemrës së Junikut prandaj vota juaj është e domosdoshme për të vendosur mbi fatin e Junikut në 4 vitet e ardhshme.

Lusim të gjithë mërgimtarët që ende nuk kanë votuar të shfrytëzojnë votën e tyre. Vetëm në këtë mënyrë ju mund të konfirmoni fitoren tonë më 12 tetor pa balotazh.

Ndërsa të gjithë mërgimtarët që nuk kanë arritur që të regjistrohen si votues me postë, i ftojmë që më 12 tetor të vijnë në Junik dhe të japin votën e tyre.

Si gjithmonë, kontributi juaj për Junikun është thelbësor. Prandaj edhe këtë herë Juniku ka nevojë për juve, ndoshta më shumë se kurrë më parë.

Vazhdojmë +4 pa balotazh.