DiCaprio përlot me dedikimin për Diane Keaton

Vdekja e aktores legjendare Diane Keaton, e cila ndërroi jetë në moshën 79-vjeçare të shtunën, më 11 tetor, ka tronditur botën e kinemasë. Keaton, e njohur për rolet e saj ikonike në filma si Annie Hall, The Godfather dhe Something’s Gotta Give, u konsiderua për dekada si një nga figurat më të respektuara e më të dashura të Hollivudit.

Menjëherë pas publikimit të lajmit të trishtë, rrjetet sociale u mbushën me reagime, mesazhe ngushëllimi dhe kujtime nga kolegë e miq të saj artistë. Një ndër të parët që reagoi ishte Leonardo DiCaprio, i cili shprehu publikisht dhimbjen dhe respektin e tij për aktoren me të cilën kishte ndarë skenën kur ishte vetëm 18 vjeç, në filmin Marvin’s Room (1996).

Në një postim në Instagram, DiCaprio ndau një fotografi nga xhirimet e filmit dhe shkroi:

“Diane Keaton ishte unike. Brilante, qesharake dhe vetë në mënyrë çarmatosëse. Një legjendë, një idhull dhe një person vërtet i sjellshëm. Pata nderin të punoja me të kur isha 18 vjeç. Do të na mungojë shumë.”