Diddy zhvendoset në një burg me siguri të ulët
Sean “Diddy” Combs u transferua të enjten në Fort Dix, një burg federal me siguri të ulët në Nju Xhersi, për të filluar ekzekutimin e pjesës së mbetur të dënimit të tij për akuza të lidhura me prostitucion, sipas burimeve të njohura me çështjen.
Combs, i cili u shpall fajtor për dy akuza të transportit për të marrë pjesë në prostitucion, kërkoi që të vuante dënimin e tij prej 50 muajsh (pak mbi katër vjet) në institucionin Fort Dix, për të përfituar nga programi i trajtimit të drogës dhe për t’u afruar më pranë familjes së tij, raporton CNN, transmeton Sinjali.
Moguli i muzikës do të vuajë rreth dy vite e gjysmë në burgun federal. Deri tani, ai ka qëndruar në paraburgim federal në Qendrën e Metropolitan Detention në Bruklin, Nju Jork, që nga arrestimi i tij në shtator 2024 dhe gjatë procesit të gjyqit të tij penal federal më herët këtë vit. Këta 13 muaj do t’i ulen pjesës së mbetur të dënimit, përveç çdo krediti që mund të marrë për pjesëmarrjen në trajtimin e drogës. Data e parashikuar për lirimin e tij është 8 maj 2028, sipas Byrosë së Burgjeve.
Ekipi ligjor i Combs po apelon kundër dënimit dhe gjykimit të tij, dhe këtë javë kërkoi nga një gjykatë federale e apelit që të vendosë një orar të përshpejtuar. Presidenti Donald Trump më parë konfirmoi se Combs i ka kërkuar një falje, por ende nuk është marrë ndonjë vendim.
Fort Dix ka strehuar më parë edhe të burgosur të tjerë që kanë qenë në qendër të mediave, përfshirë Joe Giudice, ish-anëtar të kastit të “The Real Housewives of New Jersey”.
